Қазақстан Енді қазақстандықтар СМС арқылы зейнетақы жинақтарын тексере алады
Телефон нөмірі mGov мобильді базасына тіркелген болуы тиіс
25 қаңтардан бастап бірыңғай жинақтаушы зейнетақы қорының салымшылары қорда қанша ақшасы бар екенін eGov.kz сайтынан бір реттік SMS құпия сөздің көмегімен біле алады, деп хабарлайды Sputnik Қазақстан сайты.
Осы уақытқа дейін бұл қызмет түрін электронды цифрлық қолтаңбамен ғана пайдалануға болатын еді.
- Салымшы сұратым жібергеннен кейін азаматтардың mGov мобильді базасында тіркелген нөміріне құпия сөз жазылған SMS келеді, - деді зейнетақы қорының баспасөз қызметіндегілер.
Бұдан өзге зейнетақы салымдары туралы ақпаратты БЖЗҚ кеңсесіне барып немесе жазбаша өтініш өткізгеннен кейін, БЖЗҚ-да тіркелген электронды пошта арқылы, сондай-ақ, электронды цифрлық қолтаңбаның көмегімен БЖЗҚ порталындағы жеке кабинет немесе eGov.kz электронды үкімет сайтындағы жеке кабинет арқылы алуға болады.