Өскемен мен ШҚО Ұлы даланың жеті қыры: ШҚО-да археологиялық жұмыстар одан әрі жанданбақ
Шығыс Қазақстанда археологиялық қазба жұмыстарымен айналысқан Зейнолла Самашев Елбасының "Ұлы даланың жеті қыры" мақаласына пікір білдірді
Тарих ғылымдардың докторы, профессор Зейнолла Самашевтің айтуынша, Елбасының аталған мақаласы Шығыс өңірінен сенсациялық жаңалықтардың ашылуына себеп болады.
- Елбасының жарық көрген мақаласын ерекше ықыласпен оқыдым десем болады. Мақалада кез келген археологтың көкейінде жүрген сұрақтарға қозғау салған: халықтың рухани дамуы, оның сақтау мен таныту, тарихи-мәдени мұраны зерттеу, археология ғылымын дамыту, - дейді Зейнолла Самашев.
Профессор Елбасының мақаласында айтылған мәселелермен, археологиялық жұмыстармен ғұмыр бойы айналысқанын тілге тиек етті.
- Елдің шығысында табылған археологиялық артефактілер "Ұлы даланың" мәдениеті қандай жетік болғанын көрсетеді. Мен елдің шығысында үш жыл бойы археологиялық зерттеу жұмыстарын жасауды жоспарлап отырмын, - дейді ғалым.