Жамбыл облысында туристерге арналған мобильді қосымша іске қосылды

Тараз қаласындағы Қарахан кесенесінің маңында "Taraz tour" мобильдік қосымшасының тұсауы кесілді, деп хабарлайды ҚазАқпарат.

"Цифрлық Қазақстан" бағдарламасы аясында іске қосылған заманауи қосымша арқылы кез келген турист өңірдегі тарихи-мәдени нысандар мен киелі орындарға барған кезде барлық қажетті ақпаратқа еш адамның көмегінсіз-ақ қол жеткізе алады.

Ол үшін турист смартфонындағы "play маркет" қосымшасы арқылы "Taraz tour" мобильдік қосымшасын жүктеп, тарихи-мәдени нысан алдындағы таста көрсетілген QR-кодқа қоюуы керек. Сол заматта-ақ толыққанды ақпарат экранға өзі шыға келеді екен.