Қазақстан Түркістанға миллионыншы турист келді
Бүгін Түркістан қаласына миллионыншы турист келді. Ерлі зайыпты саяхатшылар Уиллиам пен Барбара Бренч көне шаһарды тамашалауға Американың Солтүстік Королина штатынан келген
АҚШ-тан Ясауи кесенесіне келген қонақтарды Түркістан облысының әкімі Жансейіт Түймебаев күтіп алды, деп хабарлайды ҚазАқпарат ХАА.
Аймақ басшысы шетел азаматтарына жылы лебізін білдіріп, ұлттық шапан кигізді. Қазақтың қамшысы мен тайқазанды сыйлады. Сондай-ақ, Түркістан өңірінде туризм әлеуетін арттыру үшін артқарылып жатқан жұмыстармен таныстырды.
- Сіздерді қасиетті қаламыздың миллионыншы турисі болғандырыңызбен құттықтаймын. Бұл біздер үшін қуаныш. Мәселен, дәл бүгін Түркістан қаласына келушілер саны 1 млн. адамға жетіп, өткен жылдың дәл осы кезімен салыстырғанда 57,2 пайызға артып отыр. Сонымен қатар, өңірде туризмді дамыту үшін жүйелі бағдарламалар даярладық. Алдағы уақытта келушілер саны тағы арта түседі деп жоспарлап отырмыз, - деді Жансейіт Түймебаев.