Қазақстан Қазақстандық экологтар құлаған "Союз" зымыранының зардаптарын тексерді
Эколог зымыраннан төгілген керосиннің қоршаған ортаға келтірген зардабы жайлы айтты
Құлаған зымыранға қатысты алдын ала зерттеу нәтижесін жариялаған Қорғаныс және аэроғарыш өнеркәсібі министрлігі зымыраннан төгілген керасиннің қоршаған ортаға зияны жоқ деп баға берді, деп хабарлайды КТК телеарнасы.
Жезқазғанның төңірегінен алынған тоқсаннан астам топырақ сынамасынан бірде бір радиация белгісін таба алмапты.
- 90 пайызы аспанда жанып кетті. Жерге түскен фрагменттері 22 тонна деп отырмыз. Соны қазір біз зерттеп жатырмыз. Бірақ, керосин сайғактарға зиян келтіреді деп ойламаймын. Бір-екі жұмадан кейін бүкіл сараптамалары шықса толығырақ айтамыз, - дейді ҚР Қорғаныс және аэроғарыш өнеркәсібі вице-министрі Марат Нұрғожин.
Қазір бұл мәселемен екі елдің үкіметаралық комиссиясы айналысып жатыр. Солардың қорытындысынан кейін нақты себебі айтылады. «Союз» зымыраны қазанның 11-і күні аспанда жарылып кеткен болатын. Ішіндегі ресейлік Алексей Овчинин мен NASA ғарышкері Ник Хейг дін аман жерге оралды. Ал жерге түскен үш бөлшек зымыран бөлінісінің бірінші кезеңіне жатады.
