Шпекбаев өз әріптестерін халыққа жақын болуға шақырды

Мемлекеттік қызмет істері және сыбайлас жемқорлыққа қарсы іс-қимыл агенттігінде басшылық лауазымдағы қызметкерлеріне әлеуметтік желілерге тіркелу тапсырылды, деп хабарлайды Tengrinews.kz.

- Әріптестер, мен былтырғы жылдың соңында Facebook-та өз парақшамды аштым, азаматтардың өтініштері мен арыздары үшін жеке пошта құрдым. Осы уақыт ішінде әлеуметтік желілердің маңызды коммуникациялық канал екендігін, дәстүрлі бұқаралық ақпарат құралдарынан асып түспесе кем емес деген қорытындыға келдім, - деп түсіндірді МҚІСЖҚІҚА басшысы.

Ол орталық аппараттың бөлімшелерінің басшыларына және агенттіктің аумақтық бөлімшелеріне Facebook парақшаларын ашуды тапсырды. Алик Шпекбаевтың айтуынша, бұл азаматтардың нақты проблемаларын қадағалауға және Агенттіктің жұмысының ашықтығын қамтамасыз етуге мүмкіндік береді.