Қазақстан Елордадағы лицейде оқушыларға мерзімі өтіп кеткен азық-түлік берген
№85 мектеп-лицейі оқушыларының ата-аналары әлеуметтік желіде асханадан мерзімі өтіп кеткен азық-түлік пен ескірген көкністер тапқандықтарын жазған
Осы жаңалық жарияланғаннан кейін Астананың білім басқармасы оқу орнында тексеріс жүргізген, деп хаабрлайды Елорда Инфо. Азық-түлік жеткізушілер, ата-аналар мен мектеп әкімшілігі шақырылып, жиын өткізілді.
- Ата-аналар көрсеткен фактілердің барлығы расталды. Азық-түлік жеткізушілері аталған бұзушылықтарды жою және болашақта осындай жағдайдың қайталанбайтындығы туралы есеп берді. Мектеп әкімшілігіне азық-түлік сапасы мен сақтау шарттарына жасалатын мониторинті бақылау комиссиясы күшейту тапсырылды, - деп хабарлады басқармадағылар.
Айта кетейік, бұл лицей ағымдағы оқу жылының басында салтанатты түрде Елбасының қатысуымен ашылған болатын.
