Өскемен мен ШҚО Өскемендегі апаттан екі адам зардап шекті
Апат кеше күннің екінші жартысында Пермитин көшесіндегі Dedeman Oskemen Tavros Hotel қонақүйіне жақын маңда орын алған
Audi-100 бен Skoda Rapid көліктері соқтығысқан апатқа неміс көлігінің жүргізушісі кінәлі.
- Қонақ үй маңында Ғашықтар аллеясымен келе жатқан Audi көлігінің жүргізушісі оң бұрылар сәтте қауіпсіздікке мән бермей, қарсы бетте келе жатқан Skoda Rapid көлігімен соқтығысқан, - деп хабарлайды Өскемен қалалық ІІБ баспасөз қызметі. - Екі көліктің де жолаушылары зардап шекті. Skoda Rapid көлігінде отырған 10 жасар қыз бен Audi-де отырған 44 жастағы азаматша жарақат алған.
Неміс көлігін тізгіндеген жүргізушіге қатысты ҚР ӘҚК 610-бабы 2-бөлігі бойынша хаттама толтырылды.
