Қазақстан Қазақстанда инклюзивті білім беру саласы жақсармақ
Қазақстанда мүмкіндігі шектеулі 10 мың бала мектепке мүлдем бармайды
Бүгін Үкімет отырысында ҚР Еңбек және халықты әлеуметтік қорғау министрі Мәдина Әбілқасымова инклюзивті білім беру саласын жақсарту жұмыстары жөнінде баяндады, деп хабарлайды ҚазАқпарат ХАА.
Министрдің айтуынша, бүгінгі күні 147 мыңнан астам бала ерекше білім беру қажеттіліктеріне тәуелді.
- Білім мен ғылымды дамытудың 2016-2019 жылдарға арналған мемлекеттік бағдарламасына сәйкес 2019 жылға қарай мектепке дейінгі білім беретін ұйымдардың 30%, орта білім беретін ұйымдардың 70% сондай-ақ техникалық және кәсіптік білім беретін оқу орындарының 40%-інде инклюзивті білім беру жағдайларын жасау жоспарға алынған, - деп атап өтті министр Үкімет отырысында.
Оның айтуынша, балабақшалардың 15% және мектептердің 55%-де инклюзивті білім беру жағдайлары жасалған, оларда ерекше білім беруді қажет ететін 40 мыңнан астам бала оқып, тәрбиеленіп жатыр.
- Сонымен қатар, арнайы баяндамашы Каталина Девандас Агилар жалпы білім беретін мектептерге бекітілген 10 000 мүгедек бала іс жүзінде үйде оқитынын және мектепке мүлдем бармайтынын атап өтті, - дейді министр.