Қазақстан ҚР премьер-министрі мектеп оқулықтарының салмағына алаңдаулы
Қазақстан Республикасының премьер-министрі Бақытжан Сағынтаев Білім министрлігіне мектеп сөмкесінің мәселесін шешуге тапсырма берді
Білім және ғылым министрі Ерлан Сағадиев Үкімет отырысында мектеп сөмкелерінің салмағы туралы айтты, деп хабарлайды Tengrinews.kz.
- Биыл алғаш рет оқулықтар мәселесін қарастырдық, оқулықтардың көлемі мен салмағын қарадық, тиісті құжаттарды енгіздік және мәселені шешу тәсілдерін бағаладық. Балалар өздерінің сөмкелері мен оқулықтарын арнайы шкафтарға қоя алуын қамтамасыз ету керек. Сондай-ақ, электронды оқулықтарды енгізу де бар. Жұмыстар басталды, балалар қазірдің өзінде қолданып жүр. Біздің жоспарларымыз бойынша балалар электрондық оқулықтармен толығымен қамтамасыз етілетін болады, - деді министр.
Жауап берген премьер-министр оқулықтардың салмағына қатысты мәселе бұрыннан қаралу керектігін, әр пән бойынша электронды оқулықтардың жетіспеушілігін алға тартты.
- Жеңіл оқулықтармен қамтамасыз ету керек, содан кейін жаңа стандарттарға көшу керек, - деді Сағынтаев.
