Қазақстан Қарағанды облысының шенеуніктері қоғамдық көліктермен қатынайды
Қарағанды облысының әкімі Ерлан Қошанов өз орынбасарлары, басқарма басшылары мен Қарағанды қаласының әкімін қоғамдық көлікпен қатынауға мәжбүрледі
Осылайша жолаушыларды тасымалдау сапасын арттыру жоспарлануда, деп хабарлайды Sputnik Қазақстан сайты.
Қарағанды облысында қоғамдық көлікте электронды билеттеу жүйесі енгізіледі. Ол үшін арнайы кесте мен бағыт жасалады да, автобустар мен троллейбустардың ыңғайлылығы мен қызмет көрсету сапасы бақыланады.
- Сіздер бақылауды дұрыс жүргізбейсіздер. Мен оның барлығын байқаймын. Тазалық, жиілік, сапа мен сыпайылық – барлығын үнемі қадағалап отыру керек, - деді Ерлан Қошанов.