Қазақстан Головкин чемпион титулын қайтаруы мүмкін
Сауль "Канело" Альварес титулды жекпе-жекте Геннадий Головкинді жеңсе де, IBO нұсқасы бойынша әлем чемпионы белдігін алмайды
Головкин мен Альварестің жекпе-жегінен кейін IBO нұсқасы бойынша әлем чемпионы титулы бос қалды, деп хабарлайды Tengrinews.kz сайты. Өйткені Альварес жекпе-жек алдында IBO салығын төлеуден бас тартқан.
- Альварес, шынымен де, IBO нұсқасы бойынша әлем чемпионы титулын алмайды. Біз онымен келісімге келе алмадық. Бос титул екі үміткер арасында ойнатылады. Ол – бұл дивизиондағы рейтингте бірінші орын алатын Головкин болуы мүмкін, - деді IBO президенті Эд Ливайн.
Головин бұл титулды американдық Лахуан Саймонмен 2011 жылдың 9 желтоқсанында өткен жекпе-жекте бірінші раундта нокаутпен ұтқан болатын. Ол жеті жыл бойы осы титулға ие болды. 17 рет сәтті кездесу өткізіп, Альвареспен өткен жекпе-жектен кейін айырылып қалған.