Қазақстан Қазақстанда сұранысқа ие мамандықтар анықталды
Қазақстандағы еңбек биржалары бойынша бос жұмыс орындарын талдау жұмыстары ағымдағы жылы ең көп сұранысқа ие салаларды анықтауға мүмкіндік берді
Зерттеулерге сәйкес, 2018 жылы ең көп сұранысқа ие болған мамандар сату саласында болды. Олар барлық бос орындардың 24,5%-ын құрайды, деп хабарлайды Tengrinews.kz.
Бұған клиенттермен жұмыс жасау менеджерлері, бөлшек сауда желілерінің қызметкерлері және "тікелей" сатылым мамандары кіреді.
Бұдан басқа, бухгалтерлік қызметтердің саласы - бос орындардың 10,9%-ын құрайды, олардың ішінде - бухгалтерлер мен бастапқы құжаттаманың мамандары.
Ал бос орындардың 10%-ын әкімшілік персонал құрайды.Оның ішінде офис менеджерлері, хатшылар, іс қағаз жүргізушісі бар.
Қалған бос орындар қаржы, өндіріс, құрылыс, көлік және туризм салаларына жатады.
Сонымен бірге, жұмыс беруші мамандардың жартысы кәсіби саладағы бір жылдан үш жылға дейінгі жұмыс тәжірибесін талап етеді.
