Қазақстан Астананың бес мектебінде латын графикасын енгізу бойынша апробация басталады
Елорданың бес мектебінде 0-ші және 1-сынып оқушылары үшін латын графикасын енгізу бойынша апробция жүргізіледі
Мектептерде латын әліпбесін енгізу туралы білім және ғылым министрі Ерлан Сағадиев мәлімдеді, деп хабарлайды Sputnik Қазақстан тілшісі.
- Эксперимент аясында бірнеше нұсқа дайындалды, бірнеше мектеп іріктелді. Біз бұл білім ордаларында апробацияны бастаймыз. Сынақ нәтижесі бойынша балалардың латын әліпбиін қалай меңгеріп жатқанын, оларға қалай ыңғайлы екенін анықтаймыз. Бұл қарапайым ғылыми жұмыс, министрлік мұнымен өте жақсы таныс. Сондықтан қандай да бір қиындықтар болады деп ойламаймын, - деді Сағадиев.
Министрдің айтуынша, латын әліпбиімен басылған оқулықтар кәдімгі стандартты оқу бағдарламасы сияқты, ерекше өзгеріс жоқ. Сондай-ақ, ол апробация орта мектептерде жүргізілетінін атап өтті.