Қазақстан Президенті Арал мәселесіне арналған кездесуге қатысты

Қазақстан Президенті Нұрсұлтан Назарбаев Түрікменстан Президентіне дәстүрлі жылы қабылдағаны үшін алғысын білдіріп, саммиттің жоғары деңгейде өткенін атап өтті, деп Ақорданың ресми сайты хабарлады.

- Кездесуіміз барлық мұсылмандардың киелі Құрбан айт мерекесінен кейін бірден өтті. Осы мүмкіндікті пайдаланып, бауырлас халықтарымызға гүлдену, бейбітшілік пен өркендеу тілеймін, - деді Нұрсұлтан Назарбаев.

Арал теңізінің дағдарысы - адамзат тарихындағы ең үлкен экологиялық апаттардың бірі. Соңғы жарты ғасырда теңіз суының ауданы 9-ға және су көлемі 30 есеге азайған.