Қазақстан "Славян базары" байқауы: "Әміре" финалға шықты
Қазақстандық әнші Ернар Садырбаев «Славян базары» халықаралық байқаудың финалына өтті, деп хабарлайды ҚазАқпарат.
- Бірінші күннің қорытындысы бойынша, конкустан 6 ел, атап айтқанда Мексика, Греция, Босния мен Герцеговина, Әзербайжан, Гвинея, Египет мемлекетінің өкілдері шығып қалды. Қазақстан ары қарай өтті,- деп жазады әншінің продюсері Жанна Мұханова өзінің Инстаграмдағы парақшасында.
Аталған фестивальде Қазақстанның Халық әртісі Роза Рымбаева мен әнші Димаш Құдайберген төрелік жасауда. Айта кетсек, Димаш Құдайберген 2015 жылы Витебскіде өткен «Славян базары» халықаралық ән фестивалінде бас жүлдені иеленген болатын.
