Оқиғалар Байқалда құлап кеткен турист 17 сағат бойы ағашта ілініп тұрған
Кемерово облысынан Байқал көліне барған турист шатқалға шығамын деп құлап, ағашқа ілініп қалған
Байқал іздестіру және құтқару тобына 13 шілде күні таңертең хабарлама келіп түскен, деп хабарлайды РИА Новости.
Ал 48 жастағы турист тауға жалғыз өзі көтерілмек болған. Скрипер шатқалына жақындаған сәтте құлап, тау беткейінде өсіп тұрған ағашқа барып ілініп қалған.
- Құтқару қызметіне хабарласа алмай, 17 сағат бойы ілініп жатқан. Ұялы телефон байланысы бірде ұстап, бірде ұстамай әлек болған. Тек таңертең ғана байланыс ұстап, құтқарушыларға хабарласа алды. Құтқарушылар туристті табу үшін төрт сағат уақыт жұмсады, - дейді құтқару қызметі.
Ал ер адамды құтқару үшін алты сағаттай уақыт кеткен. Талдан түсірілген турист алған ауыр күйзелістен сөйлей алмай, құлап қалған. Ол жақын маңдағы ауруханаға жеткізілді.
