Қазақстан Ақтауда жол-көлік оқиғаларын дронмен бақылайтын болады
Маңғыстауға арнайы видеокамерасы мен фото жабдықтары бар дрон әкелінді
Бұл аппараттар Ақтау қаласының көшелеріне ғана емес, республикалық, облыстық маңызы бар жолдарға да жіберіледі, деп хабарлайды "Қазинформ".
Маңғыстау полицейлері жолға дронмен бақылау орнату арқылы жол апатын азайтуды көздеп отыр. Дрон жолда жылдамдық асырған, ереже бұзған жүргізушілерді ақпарат өңдеу орталығына жібереді. Ал полицейлер жіберілген ақпаратқа орай айыппұл салады.
Аппараттың әрекет ету радиусы - 50 шақырым. Екі жарым сағат бойы әуеде ұша алады. Құрылғының ұшу жылдамдығы – 110 км / сағат.
Он күннің ішінде полицейлер дрон арқылы 200 ереже бұзған жүргізушіні ұстаған.
