Қазақстандықтарды жалпыұлттық ата-аналар жиналысына шақырды

Білім және ғылым министрі Ерлан Сағадиев жалпыұлттық ата-аналар жиналысы өтетіндігін хабарлады

15 мамыр күні Қазақстанда екінші рет жалпыұлттық ата-аналар жиналысы өтеді, деп хабарлайды Tengrinews.

Былтыр ата-аналардың 80 пайызы бұл жиналысқа қатысқан болатын. Биыл білім министрі бұдан да көп ата жиналысқа қатысады деп үміттеніп отыр.

Соған орай, Ерлан Сағадиев жұмыс берушілерге баласы мектепте оқитын ата-аналардың жұмыс уақытын бір күнге қысқартуын өтінді.

- Министрліктің атынан жұмыс берушілерге, оның ішінде мемлекеттік органдарға да, ата-аналарды жұмыстан ерте босатуын өтінеміз, - деді министр.

Біздің Telegram арнамыздағы ең маңызды нәрселер