Қазақстандықтар өздерінің әл-ауқатын орташа деп есептейді

Қазақстанда халықтың материалдық әл-ауқатын бағалау үшін зерттеу жүргізілді, деп хабарлайды Zakon.kz сайты.

Сауалнама нәтижесі бойынша қазақстандықтардың төрттен үш бөлігі өздерінің материалдық деңгейін орташа немесе орташадан жоғары деп бағаланғаны анықталды. Сонымен бірге сауалнамаға сәйкес, 2017 жылы төрт адамнан құралған отбасының орташа табысы 136 мың теңгені құрады.

Зерттеу көрсеткендей, ел тұрғындарының 80%-ы жалақысын кейінге қалдырмай, алған бетте жұмсайтын көрінеді.

- Біз ұзақ уақыт бойы жағдайы жақсармаған көптеген адамдардың күрделі қаржылық жағдайын да көре аламыз, - дейді сарапшылар.