Қазақстан Елімізде жасөспірімдерге мешітке баруға тыйым салынуы мүмкін
Дін істері министрлігі 16 жасқа толмағандарға ата-анасынсыз, туыстарынсыз және ресми тәрбиешілерінсіз діни мекемелерге баруға тыйым салу туралы заң жобасын қарастыруда
Отбасылар арасында мешітке, шіркеуге және өзге діни ғибадатханаларға бару туралы қақтығыс жиі орын алады, деп хабарлайды КТК телеарнасының сайты.
- Балалар діни мекемелерге барады, - дейді ҚР Дін істері және азаматтық қоғам вице-министрі Берік Арын. - Онда олар деструктивті элементтердің ықпалына ұшырайды. Немесе әкесі апарып, анасы қарсы болатын жағдайлар бар. Мұның барлығының алдын алу үшін біз осындай нормалар енгіздік.
Заң жобасы қабылданса, діни мекеме басшыларына бұл тәртіпті қадағалауға тура келеді.
