Қазақстан Қарағанды облысының әкімі ереуілге шыққан жұмысшылар шахтасына түсті
Облыс басшылығымен келіссөзге келген «АрселорМиттал»-дың 150 шахтері шахтадан шығатын болды
Бұл туралы облыс әкімінің баспасөз қызметі хабарлады.
- 13 желтоқсан күні таңғы 8 шамасында 154 шахтер жоғарыға көтерілді, - дейді баспасөз қызметінің мәлімдемесінде.
Облыс әкімі Ерлан Қошанов 13 желтоқсан күні Шахтинск қаласының шахтасына түсіп, екі сағаттық әңгімеден соң 59 адам жоғарыға көтерілген. Бұдан кейін Тентек шахтасынан тағы 76 адам көтерілді.
Сонымен қатар, Қошанов Тентек шахтасында «АрселоМиттал Теміртау» АҚ шахта директорлары, кәсіподағы, бригадирлермен жиналыс өткізіп ереуілшілер талабы мен компания ұсынысын талқылаған.
Таңға жуық әкім Ленин шахтасының қызметкерлерімен кездесіп, 19 адам шыққан. Таңертең Ерлан Қошанов Қазақстан тау кен жұмысшыларымен кездесті. Сол сияқты өңір билігі Шахтинскідегі қамау туралы әңгімені де жоққа шығарды.