Қазақстан Ғаламтор арқылы автомектеп курсын оқуға болады
Қазақстанда жүргізушілерді дайындауға арналған жаңа жүйе енгізілді
Ішкі істер министрлігінің Әкімшілік полиция комитеті Қазақстан азаматтарына арнап ғаламтор арқылы жол жүру ережелерін үйрете бастамақ.
- 2017 жылдың 27 қарашасынан бастап жол жүру ережелерін ғаламтор арқылы оқып-білуге болады. А,В және А1, В1 категорияларын алғысы келетін азаматтарға зор мүмкіндік, - дейді ІІМ Әкімшілік полиция комитетінің баспасөз қызметі Фейсбук парақшасында.
Ал оқыту Ішкі істер министрлігі сайтында жүргізілмек. Скайп-сабақтар, бейнесабақтар түрінде өтпек.
Жүргізуші куәлігін алуға арналған емтихан да онлайн режімде жүргізілмек.
