Қазақстан ЖЖЕ бұзған шетелдіктерді Қазақстаннан шығармау ұсынылды
Жол жүру ережесін бұзған шетел мемлекеттерінің азаматтары жазасыз қалып отырады
Мұндай пікірді мәжіліс отырысында депутат Асылбек Смағұлов айтты.
- Шетелдік мемлекеттік нөмірі бар автокөлік жүргізушілері ЖЖЕ бұзып жазасыз қалады. Мысалы, бір көлік 22 рет жылдамдық өлшегішке түссе айыппұлдың жалпы құны жарты миллионға жетеді. Мұнымен қоса жүргізуші жазасыз қалады, - дейді ол.
Депутаттың пікірімен ішкі істер министрінің орынбасары Берік Бисенқұлов та келіседі.
- Құқықбұзушылыққа барған шетелдіктерге келсек, олар елден шығатын кезде шекаралық қызметкерлерімізге лайықты уәкіл беруді ұсынамыз. Өз кезегінде олардың ақпараттық жүйесімен интеграциялануға техникалық мүмкіндігіміз бар. Біздің құқықбұзушылық бойынша барлық ақпараттық базамыз шекаралық қызметтің ақпараттық жүйесімен автоматты түрде байланысар еді. Осылайша шекарада ақпараттандыру бойынша жұмыс ұйымдастырылады. Сол сияқты әкімшілік айыппұл төленбейінше шетелдіктердің ел сыртына заңнамалық тұрғыда шығуына тыйым салу сұрағын қарауды ұсынамыз, - дейді вице-министр.
