Шығыстың имамдары Ұлы Абай жайлы қойылымды тамашалады

Шығыс Қазақстан облыстық «Халифа Алтай» мешітінің баспасөз қызметі хабарлағандай, Шығыс Қазақстан облыстық «Халифа Алтай» мешітінде 3 айлық білім жетілдіру курсында білім алып жатқан шығысқазақстандық имамдар облыстық драма театрда «Замана неткен тар едің» атты қойылымды тамашалады.

Қазақ халқының ұлы ойшылы Абай туралы қойылым имамдардың көңілінен шықты.

«Біз осындай ұлтымыздың ұлы тұлғалары жайлы қойылымдарды имамдарымызға тамашалатып отырмыз. Бұл аса маңызды. Рухани жаңғыру аясында алдағы уақытта да облыстық театрмен тығыз байланыста жұмыс жасаймыз» деп атап өтті, Шығыс Қазақстан облыстық «Халифа Алтай» мешітінің наиб имамы Мади Абайұлы.