Қазақстан Қазақстанда ауыл имамдарына арнап қайырымдылық қоры ашылмақ
Жаңа ұжымдық қайырымдылық қоры әлеуметтік жағдайы төмен тұрғындар мен имамдарды қолдауға арналады
Бұл жайында дін істері және азаматтық қоғам министрі Нұрлан Ермекбаев хабарлады.
- Елбасының тапсырмасымен дін саласында қайырымдылық қоры ашылды, ол әділет министрлігінде тіркеуде, - дейді Нұрлан Ермекбаев.
Аталмыш қор әлеуметтік жағдайы нашар отбасылар мен имамдарды қаржыландыруға көмек беру үшін құрылады.
- Қазіргі таңда имамдардың жалақысы қайырымдылық қорынан жиналған ақшаға тікелей тәуелді. Ауыл аймақтағы имамдардың табысы тұрақты емес. Сондықтан мұны деструктивті ағым мүшелері пайдаланып кетуі мүмкін, - дейді Нұрлан Ермекбаев.
Сонымен қатар, мұндай шара имамдардың ауылдарға молда болып баруына жағдай жасайды. Өйткені 150 республикалық мешітке имамдар жетіспейді екен.