Қазақстан «ЭКСПО-ны» көруге 900 мыңнан артық адам келген
«ЭКСПО-2017» Халықаралық көрмесі ашылғаннан бері келушілер саны 1 млн адамға жетіп қалған
1 айдың ішінде «ЭКСПО-2017» халықаралық мамандандырылған көрмесін 920 мыңнан астам келуші тамашалады. Бұл туралы бүгін көрменің 1 айлық жұмысын қорытындылаған «Астана ЭКСПО-2017» ұлттық компаниясының басқарушы директоры Бейбіт Қарымсақов мәлім етті, деп хабарлайды «Казинформ» сайты.
-1 айдың ішінде көрмеге 921 293 адам келді. Біздің ертең түс ауа көрмеге миллоныншы келуші кіреді деп ойлап отырмыз. Халықаралық павильондарға кіріп-шығу саны - 5 млн 960 мың. Көрменің негізгі нысандарына кіріп-шығу саны 834 579 ретті, оның ішінде «Нұр әлем» павильонына кіріп-шығу 303 007 ретті құрап отыр, - деді ол.
Келушілердің басым бөлігін Қарағанды, Ақмола, Павлодар облыстарының тұрғындары құрайды.
- Біздің есеп бойынша көрмеге 130 мыңдай шетел азаматтары келді. Олар келушілердің 14 пайызын құрайды. Ресейден - 35 500, Германиядан -19 000, Қытай Халық Республикасынан -11 500 адам келді, - деді Қарымсақов.