Балалар мерекесіне орай үлкен шеру өтпек

- Бұл тұңғыш рет ұйымдастырылғалы отырған республикалық акция, - дейді ШҚО Білім басқармасының қосымша білім беру және дене шынықтыру мәдениеті облыстық орталығының бас маманы Анатолий Симоненко. - Еліміздің балалары 1 маусым күні ауқымды музыкалық ансамбль мен оркестрдің шеруіне қатысады. Әдетте, мұндай шерулер 1 мамыр не 9 мамыр күні өткізіледі. Дегенмен мұндай шараны балалар күніне де арнап жасағалы отырмыз. ШҚО бойынша 3000 бала қатысқан балалар шеруі өтпек. 

Шеру сағат 10.30-да Астана көшесінен бастап Орджоникидзе көшесі арқылы Республика алаңына бармақ. Мектеп оқушыларымен қатар шеруге қаламыздың ЖОО мен колледж студенттері де қатысады.