Қазақстан «Болашақ жауынгерлерін» жасақтауды қалайды

ҚР Қорғаныс және аэроғарыш өнеркәсібі министрлігінің вице-министрі Марат Нұрғожиннің басшылығымен жоғарғы технологияларды пайдалана отырып құрылған ҚР Қарулы Күштері бөлімдері мен жеке құрамаларын жасақтау жөнінде бағдарлама жасау жайында отырыс өткізілді.

Аталмыш шараға Қорғаныс Министрлігі мен ҚР Ішкі істер министрі, Қазақстан Инжиниринг» ҰК» АҚ-тың өкілдері қатысты.
Атап өту керек, Қазіргі таңда «Болашақ жауынгерлері» атты ерекше жауынгерлер тобын құру идеясы әлемнің 50-ден астам мемлекеттерінде іске асып жатыр. Мәселен, Ресейде заманауи құрылғылармен қаруланған «Ратник» жауынгерлік кешен типімен Қарулы Күштерін жасақтап жатқаны белгілі. Мұндай сарбаздар жиынтығы әскердің тиімділігін арттырып, ұрыс кезінде сарбаздардың еркін әрекет етуіне мүмкіндік береді.

- Ғылым мен техника саласындағы соңғы жаңалықтарды қолдана отырып әскери қызметкерлердің әлеуетін арттыру өте маңызды деп ойлаймыз. Соған сәйкес отандық кәсіпорындардың да әлеуетін барынша қолдануымыз қажет, - деді вице-министрі.