Қазақстан Сақтандыру полисі қажет емес болады
Болашақта көлік иелеріне сақтандыру полисінің қағазы қажет болмай қалуы мүмкін
Бұл туралы ҚРҰБ Сақтандыруды қадағалау департаментінің директоры Жанат Құрманов сақтандыру нарығын дамыту мәселелері тақырыбында өткен дөңгелек үстел барысында хабарлады.
- Егер электронды сақтандыру ел арасында сіңісіп, дамып келсе, көлік иелеріне сақтандыру полисінің қағазы қажет болмай қалады. Полиция қызметкерлері сақтандыру базасына кіріп, сіздің сақтандыру полисіңіз бар ма, жоқ па екенін қарай алады. Мұндай жаңашылдықтар онлайн сақтандыруды дамытуға қолайлы, - деді ҚРҰБ Сақтандыруды қадағалау департаментінің директоры Жанат Құрманов.
Бұл жаңашылдықтың қашан енгізілетіні әзірге белгісіз. Себебі Ұлттық банк сақтандыру туралы заң жобасын Парламентке тек күз мезгілінде ұсынады.
