Қазақстан Наурыз мерекесін тойлау барысында жыл үздіктері марапатталды
Жарма ауданында Наурыз мерекесін тойлау барысында мемлекеттік қызмет саласының үздіктері жыл қорытындысы бойынша «Жыл үздігі» төсбелгілеріне ие болды
Жарма ауданының әкімі Н.Сыдықов жұртшылықты Наурыз мерекесімен құттықтап, марапаттауларды табыс етті. Бұл күні орталық алаңда 15 киіз үй тігіліп, оның іші ЭКСПО-2017 көрмесіне орай қазақ халқының тұрмыс-салтын бейнелейтін жәдігерлермен безендірілді.
Орталық сахнада Мәдениет үйінің өнерпаздары мерекелік қойылымдар мен театрландырылған көріністер көрсетті. Қазақ халқының ежелден жалғасып келе жатқан ойын-сауық түрі «Алтыбақан» басындағы жастардың ән-думаны мерекенің сәнін келтіре түсті. Алаңға жиналғандар арқан тарту, қол күресі және гір тасын көтеруден сайысты.
Жармалықтар халықтық сейілге, ұлттық ойындарға қатысып, тамаша көңіл-күйге бөленді.
Следующая →
