Жол жүру билеттері 7700 теңге болады

Жаңа жол жүру тарифі бекітілген уақытта тасымалдаушылар жол жүру билеттерінің бағасы біртіндеп көтерілетіндігін уәде еткен болатын.
  - Сәуір айына арналған баға белгіленіп қойды. Жол жүру билеттері 7700 теңгеден болады, - деп мәлімдеді Жолаушыларды тасымалдау басқармасы орталығы.
Сонымен қатар, қалалық әкімдікте студенттердің жол жүру билеттеріне 50 пайыздық жеңілдік қарастырылатындығы да айтылған.
Өскемен қалалық білім бөлімінің басшысы Мәдениет Ахметованың сөзіне сүйенсек, қазіргі таңда студенттердің жол жүру билеттерін сатылымға шығару бойынша қажетті жұмыстардың барлығы аяқталып қалды. Яғни, енді азаматтарға арналған билеттердің бағасы қанша болса да, студенттер билеті үшін оның жартысы қалалық бюджеттен төленеді. ЖОО және колледж студенттері сәуір айынан бастап жеңілдетілген бағамен жол жүру билеттерін сатып алатын болады.