Көлікті утилбдеу жеңілдей түсті

Ескі көліктерді сатып алу бағдарламасы бойынша екінші санатқа жататын автокөліктерге қойылатын талаптар жеңілдетіле түседі. 

- Бұған дейін пилоттық жоба аясында көлік құралында қозғалтқыш, беріліс қорабы, есік (штатты)  пен шанақ болса, көлік 48 мың теңгеге бағаланатын, - деп мәлімдеді «Оператор РОП» ЖШС баспасөз қызметі. - Бұдан былай тек қозғалтқыш пен қаңқасы болса жеткілікті. Аталған санат бойынша өзгертілген жеңілдікті ҚР Энергетика министрлігі бекітті. Қазіргі таңда жаңа талап бойынша Қазақстанның 17 қаласында ӨКМ операторы тозығы жеткен көліктерді қабылдап жатыр. Бірінші санат (толық жиынтық) бойынша 150 мың теңге, екінші санат (толық емес) бойынша 48 мың теңге.
 
  Баспасөз қызметінің мәліметтеріне сүйенсек, өткен жылы ескі көліктерді сатып алу пилоттық бағдарламасы бойынша 5659 автокөлік бірінші санат (150 мың теңге) бойынша қабылданса, 6 автокөлік екінші санат бойынша 48 мың теңгеге бағаланды. 
2017 жылдың 16 қаңтарынан бастап ӨКМ операторы 1757 автокөлік қабылдаса, соның 3-уі екінші санат бойынша 48 мың теңгеге тапсырылған.

Азамат Нұрболатұлы