Рубльмен өскен жанармай бағасы

Қанат Бозымбаевтың айтуынша отандық жанармайдың қымбаттауына көршілес Ресейдің валютасы түрткі болған.

- Себептердің бірі – екі апта бұрын импорттық жанармай сатып алғанда рубльге қатысты теңге бағамы өзгеріп кетті және осыған орай Ресей жанармайының құны өсті, - дейді Қанат Бозымбаев ҚР Энергетика министрлігінің сайтында. - Қазақстанда өндірілетін жанармай көлемі жеткілікті. МӨЗ жұмыс істеп тұр, жанармай тапшылығы болмайды.

Естеріңізге саламыз, 6 ақпан күні Қазақстанда ең өтімді АИ-92 жанармай құны қымбаттап кеткен болатын. Ол 137 теңгеден 140 теңгеге дейінгі өсімді көрсеткен.

Дос Сапар