Тоқаев «Валдай» пікірталас клубында сөз сөйледі

«Валдай» пікірталас клубының XVI жыл сайынғы отырысы шығыстың жаһандық геосаясаттағы рөлін талқылауға арналды, деп хабарлайды Ақорданың ресми сайты.

Қазақстан Президенті кездесу қатысушыларына Қазақстанның Шығыс пен Батыстың тарихи байланысы туралы еске салды.

- Біз ислам, конфуций және шығыс христиан өркениеттерінің тоғысында тұрмыз. Ұлы Жібек жолы, Алтын Орда, еуразияшылдық - қазақтардың мәдени кодындағы маңызды буын, - деді Қасым-Жомарт Тоқаев.

Президенттің айтуынша, «Азия ғасыры» - бұл халықтың өсу қарқыны, ЖІӨ, сауда, өнеркәсіптік және жоғары технологиялық өндіріс дәлелдеген факт, өйткені әлемдегі ең ірі компаниялардың жартысына жуығы азиялық болып табылады, ол әлемдік ЖІӨ-нің 50% -ын қамтамасыз етеді.