Қазақстан Қазақстанда жұмысынан айырылып қалғандарға төленетін әлеуметтік төлем аз
Қазақстанда жұмыссыздық есебінен әлеуметтік төлем алатын тұлғалардың саны азайған. ҚР Парламент Мәжілісіндегі "Халық коммунистері" фракциясының депутаты Айқын Қоңыров осылай деп есептейді
- "Халық коммунистері" фракциясы жұмыстан айрылу бойынша әлеуметтік төлемді анықтаудағы әділетсіздікке назар аударады, - деді ол.
Қоңыров 2018 жылы Мемлекеттік әлеуметтік сақтандыру қорынан берілген төлемнің орташа мөлшері 24 мың 816 теңгені құрағанын, елдегі орташа жалақы 176 мың теңгеге тең болғандығын атап өтті.
- Биылғы жылдың бірінші жартыжылдығында жалақы 177 мың теңгеге дейін өсті, ал төлемнің орташа мөлшері 22 736 теңгеге дейін төмендеді, - деп атап өтті депутат.
Оның мәліметінше, биылғы жылдың бірінші жартыжылдығында әлеуметтік сақтандыру жүйесіне қатысушылардың саны 5,6 млн-нан асты. Қорға 119 млрд теңге енгізілді. Инвестицияланған активтердің мөлшері 1,5 трлн теңгеден асады.
