Қазақстан Қазақстан Президенті Павлодар облысына келді
Мемлекет басшысы облыс жұртшылығымен, атап айтқанда мұғалімдермен, еңбек ұжымдары және жастар өкілдерімен кездесулер өткізуді жоспарлап отыр
Қазақстан Президенті Қасым-Жомарт Тоқаев жұмыс сапарымен Павлодар облысына келді, деп хабарлады мемлекет басшысының баспасөз хатшысы Берік Құрманғали.
- Сапар аясында Қасым-Жомарт Тоқаев бірқатар әлеуметтік және индустриялық нысандарды аралайды, сондай-ақ мемлекеттік бағдарламалардың жүзеге асырылу барысымен танысады, - деп жазды Берік Құрманғали сенбі күні әлеуметтік желіде өзінің парақшасында.
Сонымен қатар, мемлекет басшысының облыс жұртшылығымен, атап айтқанда мұғалімдермен, еңбек ұжымдары және жастар өкілдерімен кездесуі жоспарланған, деп хабарлады баспасөз хатшысы.
Жақында Қазақстан басшысы Шығыс Қазақстан облысына сапармен барды.
