Қазақстан Қазақстан Тәжікстанға қару-жарағын бермек
Сенат Қазақстанның қару-жарағын Тәжікстанға беру тіралы заң жобасын мақұлдады
Заң жобасына сай, Қазақстан қару-жарақты Душанбеге жеткізу шығынын өзі өтейді, ал Тәжікстан қаруды үшінші қолға өткізбеуге міндеттеледі, деп жазды Tengrinews.kz сайты.
- Тәжікстанның Ауғанстанмен шекарадағы жағдай күн сайын ушығып барады. Күнделікті ірі көлемде есірткі өткізбек болған террорлық топтармен атыс-шабыс орын алып отыр. Сондықтан да көршілер тәжік елінің қарулы күштеріне көрсетілгелі отырған техникалық көмек дер кезінде жасалып отыр және бүкіл Орта Азияның қауіпсіздігін қамтамасыз етпек, - деп мәлімдеді сенатор Талғат Мұсабаев.
Келісім бойынша Қазақстан Тәжікстанға бір рет қару-жарақ, әуеден зақымдау құралдары, артиллериялық құралдар, радиациялық, биологиялық, химиялық қорғаныс мүліктері, тыл және медицина мүліктерін береді.
Елдің қорғаныс министрі Талғат Мұхтаровтың айтуынша, бұл Қазақстан әскері мен қорғанысына ешқандай әсер етпейді.
