Отставкаға кеткен премьер-министр Елбасына алғыс айтты

Екі жарым жыл премьер-министр қызметін атқарған Бақытжан Сағынтаев президентке сенім артқаны үшін алғысын білдірді, деп хабарлайды Sputnik Қазақстан.

- Бүгін үкімет отставкаға кетті. Тәуелсіз Қазақстан мемлекетінің негізін қалап, бүгінгі биіктерге жеткізген Елбасы халқының өсіп-өркендеуін әрқашан ең басты қағида ретінде ұстанып, әрбір шешімін мемлекет пен халықтың мүддесі тұрғысынан қабылдап келеді, - деп атап өтті Сағынтаев.

Оның айтуынша, мемлекет құру оңай жұмыс емес, жас мемлекетті түрлі қайшылықтар мен қақтығыстардан аман алып өтіп, тарихи мөлшермен алғанда тым қысқа мерзімде осындай абыройлы ел ету шын мәнінде шексіз құрметке лайық.