Қазақстан Қазақстан президенті Ресей, АҚШ және Қытай қарым-қатынасының ушығып кетуінен қауіптеніп отыр
Сондықтан Қазақстан басшысы аталған елдердің келіссөзге келуін қалайды
Әлемдік державалар барлық уақытта да әлемдік істерге үлкен жауапкершілікпен келуі тиіс. Бұл туралы бүгін елордада өтіп жатқан Астана клубының жалпы отырысында ҚР Президенті Нұрсұлтан Назарбаев айтты, деп хабарлайды ҚазАқпарат ХАА.
- Осы күндері Парижде бірінші және екінші әлемдік соғыстардың келіссөздер мен диалогтың болмауы салдарынан басталғандығын айтуда. Менің ұсынысым, адамзаттың болашағы тұрғысынан алғанда әлемдік державалар барлық уақытта да әлемдік істерге үлкен жауапкершілікпен келуі тиіс. Әсіресе, Ресей, Қытай, АҚШ және Еуропалық одақ, - деді Елбасы.
Қазақстан Президентінің пайымынша, осынау төрт тарап қазіргі жағдайда диалогтың жаңа форматын табуы тиіс.
