Қазақстан ҚР ІІМ туристік полиция бөлімін құруды жоспарлауда
Қазақстан аумағында турстердің қауіпсіздігін қорғауды арнайы туристік полиция міндетіне алуы мүмкін
ҚР Парламент Мәжілісінің үкіметтік сағатында Қазақстандағы туристердің қауіпсіздік мәселелері талқыланды, деп хабарлайды Zakon.kz сайты.
- Құқық қорғау органдары қызметкерлері шетелден келген туристермен жұмыс істеу мәдениеті мен стилін қалыптастыру үшін ҚР ІІМ қандай шаралар атқаруда? - деп сұрақ қойды депутаттар ІІМ өкіледріне.
ҚР ІІМ Көші-қон комитетінің өкілі Мұрат Қабденов осы мәселе бойынша жағымсыз пікірлердің бар екенін растады. Дегенмен, бірең-сараң екенін де тілге тиек етті.
- Біз қазір Мәдениет және спорт министрлігімен бірлесіп, елдегі туристік саланы қолдау бойынша мемлекеттік бағдарлама жасауды қолға алдық. Онды бірнеше сұрақ қарастырылған. Сұрақтардың бірі – болашақта туристік полиция құру. Ол тікелей туристермен жұмыс жүргізетін болады. Оның белгілі қызметтері бар. Қазіргі таңда халықаралық тәжірибені меңгеріп, қарастырып жатырмыз, - деді Мұрат Қабденов.
