Қазақстан Назарбаев: әлем үшінші дүниежүзілік соғысқа жақын
Қазақстан президенті әлем қазіргі таңда үшінші дүниежүзілік соғыс жағдайына жақын екендігі туралы өз пікірін білдірді
- Халықаралық терроризм бүгінгі таңда катастрофалық кеңістіктерді қамтып отыр. Оның шегі жоқ. Бүгін әлемнің кез келген нүктесі талқандау аймағына айналуы мүмкін. Үшінші мыңжылдықтан бастап лаңкестік шабуылдар мен онда қаза болғандардың саны 10 есеге артты. 2016 жылы лаңкестік шабуылдар 104 елде орын алған. Бұл дегеніміз, әлемнің жартысына тең. Яғни, география және масштаб бойынша біз шартты түрде үшінші дүниежүзілік соғыс жағдайында тұрмыз. Лаңкестікке қарсы соғыс, - деді ҚР Президенті Astana Club «Үлкен Еуразия – 2027: конфронтация немесе серіктестік» үшінші отырысы барысында, деп хабарлайды «Қазаинформ» ХАА сайты.
Мемлекет басшысы атап өткендей, лаңкестік шабуылдар дамушы елдерден дамыған елдерге ауысуда. Терроризмнің жаһандық индексі мәліметеріне сүйенсек, 2015 жыл – ЭСДҰ елдері үшін терроризм тұрғысынан ең ауыр жыл болған. Ол кездегі шабуылдар саны 731-ге жетіп, лаңекстік шабуылдар ЭСДҰ-ның 34 елінің 21-інде орын алған.
Следующая →
