Қазақстан Қазақстандық дәрігерлер маймыл шешегін емдеуді үйреніп жатыр
Бүгінгі таңда әлемнің 91 елінде 26 233 жағдай тіркелген, оның ішінде адам өлімдері де бар
Денсаулық сақтау министрі Ажар Ғинияттың айтуынша, маймыл шешегі туралы ДДҰ-дан ақпарат көп түседі, деп хабаралайды Устинка LIVE тілшісі ОКҚ-ға сілтеме жасап.
Ауру жеңіл түрде өтіп жатыр. Мысалы, 1 тамыздағы ақпаратқа сәйкес, 7 елде, 8 өлім жағдайы болған екен. Қазіргі таңда ДДҰ-дан келген әр ақпарат қаралады. Аталған ұйым вакцинация жүргізу керек еместігін айтты, - деп атап өтті Денсаулық министрі.
Қазіргі уақытта Денсаулық министрлігі де ауруға мониторинг жүргізіп бастады.
Ұқсас белгілері бар аурулар болса, диагноз қою үшін тексереміз, сондай-ақ қызметкерлерімізді оқытып, дайындап жатырмыз. Осы ауруды емдеуде дәрігерлерге нұсқау болатын хаттама әзірлеп жатырмыз. Мамандарымыз осы ДДҰ-ның өкілдерімен бірге жұмыс істеп жатыр, - деді Ажар Ғиният.
