Қазақстан Суши сүйерлерге ескерту: суши несімен қауіпті?
Бүгінгі таңда суши мен ролдарды кез-келген тамақтану орнынан табуға болады. Алайда оларды сапасы бойынша тексерілген жерлерде таңдау керек
Расында, сапасыз өнімді таңдағанда тамақтан улану қаупі бар. Мұндай тағам тіпті өлімге әкелуі мүмкін, деп хабарлайды Устинка LIVE тілшісі ҚР ДСМ Санитариялық-эпидемиологиялық бақылау комитетіне сілтеме жасап. Суши мен ролдарды дайындау кезінде термиялық өңдеудің болмауы адам денсаулығына негізгі қауіп болып табылады. Егер дұрыс сақталмаса және пісіру технологиясы бұзылса, сондай-ақ сапасыз өнімдерді қолданған кезде тамақтан улану қаупі бар.
Балықпен уланудың ең көп таралған қоздырғыштары – стафилококктар, вибриондар, бациллалар, сальмонеллалар, листерия және клостридиялар. Суши немесе ролдардан улану белгілерінің тағы бір себебі – теңіз балықтарындағы ауыр металл тұздарының, атап айтқанда сынаптың мөлшері. Улану қаупін азайту үшін суши мен ролдарды айына екі-үш реттен көп емес тұтыну ұсынылады", - деп атап өтті Санитариялық-эпидемиологиялық бақылау комитетінде.
Суши немесе ролдардан улану белгілері кез-келген тамақтан улануға ұқсайды. Сондықтан санитариялық-эпидемиологиялық бақылау комитеті суши мен ролдарды тек тексерілген жерлерден жеуге шақырады. Жазғы кезеңде мұндай тағамды жеуден мүмкіндігінше бас тартқан жөн.