Қазақстанның сегіз өңірі "қызыл" аймақта қалды

Елімізде коронавирусқа қарсы екпенің бірінші компонентін 7 миллион 300 мың 62 адам алса, екінші компонентін 6 миллион 161 мың 154 адам салдырды

Фото:

В.Иванов/Устинка LIVE

Бүгін Қазақстанның облыстарындағы эпидемиологиялық жағдайды бақылаудың 20 қыркүйек бойынша бағалау шкаласы жарияанды.

"Қызыл" аймақта Нұр-Сұлтан мен Алматы қаласы, Ақмола, Павлодар, Ақтөбе, Атырау, Қарағанды, Қостанай облыстары жатыр.

"Сары" аймақта Шымкент, Алматы, Маңғыстау, ШҚО, БҚО СҚО және Қызылорда облыстары тіркелген.

Жамбыл және Түркістан облыстары "жасыл" аймақта.

Өткен тәулікте Қазақстанда коронавирус инфекциясына ПТР сынама тапсырған 2 мың 438 адамда оң нәтиже анықталып, науқас ретінде тіркелді. Пандемия кезінде барлығы 862 мың адам ауырған. Оның ішінде 37 науқас қайтыс болды (барлығы 10 мың 763 адам қайтыс болған). 2 мың 944 адам коронавирустан емделді (барлығы 790 мың 394 адам сауығып шықан).

Сондай-ақ, елімізде өткен тәулікте коронавирустық пневмонияға шалдыққан 67 жағдайы анықталды. 2020 жылдың 1 тамызынан бастап барлығы 74 мың 092 адам пневмония ауруымен тіркелген. 1 тәулікте 6 адам қайтыс болды, ал өткен жылдан бері 4 мың 740 адам өлген.

20 қыркүйектегі жағдай бойынша 70 290 адам CVI дертінен айығу үшін ем қабылдап жатыр. Оның ішінде:

13 333 науқас - ауруханада,
56 957 науқас - амбулаториялық негізде.
CVI- мен ауыратындар арасында:
ауыр жағдайда - 1051 науқас,
өте ауыр жағдайда - 278 науқас,
желдеткіште - 143 науқас.

Тақырыптар: Коронавирус в Казахстане "Красная" зона по коронавирусу МВК по нераспространению COVID-19