Қазақстан Ақтөбе оқушысынан менингит анықталды
Бір аптабойы өзін емдеуден өткізген Ақтөбедегі мектептің 11-сынып оқушысыденсаулығы нашарлаған кезде дәрігерлерге барған
Жұқпалы аурулар ауруханасының жан сақтау бөліміне менингиті бар оқушы ауыр күйде жеткізілді, деп хабарлайды Sputnik Kazakhstan
Ауруханаға түскен кезде, ыстығы көтеріліп, үсті-басында дақтар пайда болған.
Облыстық клиникалық жұқпалы аурулар ауруханасы бас дәрігерінің орынбасары Майра Нұрғалиеваның сөзінше, жасөспірім ауыр халде жатыр, бірақ жағдайы бір қалыпты.
Кейінірек белгілі болғандай, оқушы бір аптадай үйде жатып өзін-өзі емдепті.
- Жасөспірім 25 қарашада ауырған. Бастапқыда суық тию белгілері болыпты – мұрнынан су ағып, жөтеліп, тамағы ауырады. Өкінішке орай, ол өзін-өзі емдемек болып, ыстығын түсіретін дәрі ішкен, - делінген өңірдің қоғамдық денсаулық сақтау департаменті хабарламасында.
