Қазақстан Ақтөбеде науқас балаға жедел жәрдем келмей қойды
Он жастағы оқушы ауруханаға жетпей көз жұмды. Ал мұғалімдер болса, жедел жәрдемге 18 рет қоңырау шалған
Жедел жәрдем келмеген соң, мұғалімдер "жедел көлікті" көшеге шығып ұстаған. Алайда қыз бала ауруханаға жетпей көз жұмды.
Алдын ала деректерге қарағанда, оқушының жүрегі тоқтап қайтыс болған. Алайда өлімнің себебі тек медициналық сараптама жасалғаннан кейін ғана белгілі болады. Ал қыздың ата-анасы оның аурудан дін-аман екенін айтқан.
- Екінші ауысымда оқитын сыныптың оқушысы еді. Бесінші сабақ кезінде оқушының жағдайы нашарлай бастады. Жедел жәрдемге 18 рет хабарластық! Ал мұғалімдер болса, жедел жәрдемді көшеден ұстап әкелді. Баланың гемоглобині төмен болатын. Өте сабырлы, сабақты орташа оқитын, - дейді мектептің тәрбие ісі жөніндегі орынбасары.
