Шығысқазақстандық қыздың жүрегіне ерекше ота жасалды

Технологияның ерекшелігі – импланттар мен қақпақтарды ауыстыру барысында ірі кесу үрдістердің болмауында, деп хабарлайды МИА Kazinform сайты. Үрдісті бақылау жұмысы бейнекамераның көмегімен жүреді

Енді мұндай оталар тұрақты жүргізіледі. Өңірлік кардиохирургия орталығы бұған дейін де күрделі ықшам-инвазивті оталар жүргізген. Алайда бұл бала жүрегіне алғаш рет жасалуда. Бұл жаңа құрылғыларды сатып алудың арқасында жүзеге асты. - Аталмыш тәсілдің ерекшелігі - қажетті орынды аздап кесіп, жүректің, камераның, қақпақтың ішкі құрылымын көру және оның ақауларын ретке келтіру үшін эндобейнескопты камера сұғылады, - дейді кардиохирургия орталығы директорының міндетін атқарушы Ермағамбет Қуатбаев. Жаңа жүйедегі алғашқы ота өмір бойы жүрек кемістігінен қиналып келген Шығыс Қазақстан облысының тұрғыны 14 жастағы Аида Найманбаеваға жасалды. Хирургиялық ота 2,5 сағатқа созылды. Бір күннен кейін қыз бала қарапайым палатаға жатқызылды. Айта кету керек, бір жыл ішінде ғана Павлодар кардиохирургиялық орталығында 700 рет жүрекке ота жасалған. Олардың арасында балалар да бар.

Тақырыптар: Здравоохранение в Казахстане Кардиология в Казахстане