Қазақстан Үндістан Қазақстанға жергілікті дәрі өндірісін реттеуге көмектеспек
ҚР Денсаулық сақтау министрлігі мен Үндістандық СІММ басшылары Денсаулық сақтау саласындағы ынтымақтастықты дамыту мәселелерін талқылады
Тараптар Қазақстан Республикасы Денсаулық сақтау министрлігі мен Үндістан Республикасының Денсаулық сақтау және отбасылық әл-ауқат министрлігі арасында 2011 жылы жасалған меморандумға сәйкес жүзеге асырылатын Қазақстан мен Үндістанның Денсаулық сақтау саласындағы өзара тиімді ынтымақтастығын дамытуды талқылады, деп мәлімдеді ҚР Президенті жанындағы Орталық коммуникациялар қызметі.
ҚР ДСМ басшысы Үндістанның Сыртқы істер және мәдениет министрін "Әрбір азамат үшін сапалы және қолжетімді денсаулық сақтау "Дені сау ұлт" ұлттық жобасының іске асырылуы туралы хабардар етті.
Сондай-ақ, кездесу барысында тараптар денсаулық сақтау саласындағы перспективалы бағыттар бойынша, атап айтқанда, Қазақстан аумағында фармацевтикалық өндірісті оқшаулау бойынша серіктестікті жандандыруға өзара қызығушылық танытты.
"Қазақстан Республикасында фармацевтикалық нарықтағы отандық өндіріс үлесін 2025 жылға дейін 50%-ға дейін жеткізу міндеті қойылған.
Аталған мақсатқа қол жеткізу үшін оффтейк-келісімшарттар тиімді құралдардың бірі және жергілікті тауар өндірушілерді қолдау үшін елеулі ынталандыру болып табылады, - деп атап өтті Ажар Ғиният.
Сонымен қатар, Ажар Ғиният пен Минакши Лекхи Үнді медицина студенттерін Украинадан ҚР медициналық ЖОО-на аудару мүмкіндігін талқылады.
Кездесу соңында тараптар қол жеткізілген уағдаластықтарды ескере отырып, денсаулық сақтау саласындағы әріптестік ынтымақтастықты одан әрі нығайтуға және дамытуға дайын екендіктерін білдірді.
