Өскемен мен ШҚО Розеткадан шыққан ұшқын арты өртке ұласты
Бүгін Өскемендегі Промышленная көшесі бойындағы көппәтерлі тұрғын үйдің бірінші қабатында өрт шықты. Үш адам зардап шекті
Қонақ бөлмедегі жиһаздың ағаш конструкциялары, тұрмыстық техника, жеке заттар өртенген. Апаттар медицинасы орталығы мен жедел жәрдем қызметкерлері жоғары қабатта көршілес тұратын 2014 және 2011 жылғы туған екі бала мен 1959 жылы туған олардың әжесін түтінге улану белгісімен медициналық мекемеге жеткізді.
Өрт сөндірушілер 20 шаршы метр алаңды шарпыған өртті сөндірді. Белгілі болғандай, розеткадан шыққан ұшқын өрттің шығуына себеп болды (электр жабдықтарын монтаждау және пайдалану кезінде өрт қауіпсіздігі талаптарын сақтамау), - деп мәлімдеді ШҚО ТЖД баспасөз қызметі.
ШҚО ТЖД өрт қауіпсіздігі ережелерін сақтауды еске салады.
Өрт болған жағдайда 101 немесе 112 нөмірі бойынша дереу хабарлаңыз.
